Теннис: Бублик Вашингтон турнирін жеңіспен бастады

Теннис: Бублик Вашингтон турнирін жеңіспен бастады

НҰР-СҰЛТАН. ҚазАқпарат – Қазақстандық Александр Бублик Вашингтон ATP турнирін жеңіспен бастады, деп хабарлайды ҚазАқпарат тілшісі.

Әлемнің 72-ракеткасы А.Бублик алғашқы айналымда дүниежүзілік рейтингте 93-орында тұрған америкалық Брэдли Кланмен кездесті.

Бірінші партия тартысты өрбіп, тай-брейкке ұласты. Онда қазақстандық теннисші басымдылық танытты – 7:6 (7:5).

Екінші сетте америкалық теннисші брейк жасап, алға шықты. Дегенмен А.Бублик оны әрі ұзатпай, матчты жеңіспен түйіндей білді – 6:3.

Бәсеке 1 сағат 29 минутқа созылды.

А.Бублик жүлде қоры 2 млн АҚШ долларынан асатын жарыстың екінші айналымында тағы бір америкалық, осы турнирдің 16-ыншы, әлемнің 40-ракеткасы Фрэнсис Тиафомен күш сынасады.

Әйелдер арасындағы Вашингтон турнирінің бірінші айналымында әлемнің 84-ракеткасы, қазақстандық Зарина Дияс биылғы Уимблдон жарысында тамаша өнерімен талайды таңғалдырған 15 жасар америкалық Кори Гауффпен шеберлік байқасады. Қазіргі кезде рейтингте 146-орында тұрған К.Гауфф бұл жарысқа іріктеу сайыстарынан кейін қосылды.

Ал Қазақстанның бірінші, әлемнің 45-ракеткасы Михаил Кукушкин Лос Кабос (Мексика) додасында рейтингте 92-сатыдағы босниялық Дамир Джумхурмен кортқа шығады.

Еске сала кетейік, бұдан бұрын А.Бублик пен З.Диястың Вашингтон турниріне қатысатынын, ал Галина Воскобоеваның жұптық сында Юрмала жарысының финалында жеңіліп қалғанын жазған болатынбыз.

Автор: pravdoiskatel77
Предыдущий материал

«По горячим следам» задержан убийца в Атырау

Следующий материал

Сергей Чемезов хочет взлететь на 300 бюджетных миллиардах

Коментарии (0)